18 красавіка – “Шпацыр па малой Радзiме Алеся Адамовiча”!

18 красавіка – “Шпацыр па малой Радзiме Алеся Адамовiча”!

Дом Алеся Адамовіча ў Глушы

Запрашаем адсвяткаваць Міжнародны дзень помнікаў і мясцін вандроўкай у вёску Глуша пад Бабруйскам, звязаную з іменем славутага пісьменніка, першага з тых, хто ўзняў у беларускай літаратуры тэму сапраўдных маштабаў Чарнобыльскай катастрофы, Алеся Адамовіча.

Гід Марына Маўчанава правядзе вас па мясцінах, дзе прайшло дзяцінства пісьменніка і дзе бяруць пачатак сюжэты шматлікіх яго твораў. Апроч таго ў Глушы захаваўся будынак аптэкі, у якой працавала маці Алеся Адамовіча. Ужо не адно дзесяцігоддзе вядуцца размовы пра стварэнне ў будынку музея. Падчас экскурсii вы ўбачыце дом, у якім пісьменнік жыў, даведаецеся, якое месца займала Глуша ў сэрцы Адамовіча, і яшчэ шмат цікавага з жыцця літаратара. Акрамя таго экскурсантаў чакае знаёмства з мясцовым падворкам рамеснiкаў, дзе некалi хацелi стварыць музей пад адкрытым небам. Завершыцца вандроўка наведваннем магілы Алеся Адамовіча.

Экскурсія распачнецца ў 17.30, збор ля тайм-клуба “1387” (вул. Чангарская, д. 54, г. Бабруйск).

Запіс на экскурсію абавязковы!!! Для запісу тэлефануйце +375292418290 (Марына)

  • 56
  • 3
  • 9
  •  
  •  
  •  
  •  
  •  
  •  
  •  
  •  
  •  
  •  

Пакінуць каментар

Ваш адрас электроннай пошты не будзе апублікаваны. Неабходныя палі пазначаны як *